სოციალური პროექტი "ბუნების სადარაჯოზე"

პროექტის დასახელება: „ ბუნების სადარაჯოზე “

პროექტის მონაწილეები: I კლასის მოსწავლეები, კლასის ხელმძღვანელი.

პროექტზე მუშაობის ვადები: 11.X -25.X

პროექტის აქტუალობა:

პროექტზე დაფუძნებული სწავლა  მოსწავლეზე ორიენტირებული სწავლების მოდელია. ეს მეთოდი მოსწავლეებს საშუალებას მისცემს უკეთ შეიცნონ ბუნება, შეიგრძნონ და ინტერესით  დაიწყონ მისი შესწავლა. სწორედ ამ ასაკში იწყებენ ბავშვები დამოუკიდებლად ორიენტაციას და უჩნდებათ მისი კვლევის უნარი.

რა უპირატესობა აქვს პროექტზე  დაფუძნებულ სწავლებას?

·         იზრდება მოსწავლეთა  ჩართულობა, საკუთარი თავის რწმენა  და სწავლისადმი დადებითი დამოკიდებულება.

·         მოსწავლე ეჩვევა დამოუკიდებელ  მუშაობას და  თანატოლებთან  ურთიერთობას, რაც მნიშვნელოვან  როლს თამაშობს  მოზარდების პიროვნულ და სოციალურ  განვითარებაში.

პროექტის  სასწავლო მიზნები და სწავლების  შედეგები, მიზნები;

·         დაკვირვების საფუძველზე აღწერონ ლოკალური გარემო.

·         დაბინძურებული ბუნების შედეგად  წარმოქმნილი  საფრთხეებზე  მოსაზრების გამოთქმა, მსჯელობა იმის შესახებ თუ რა დიდი მნიშვნელობა აქვს ბუნების  დაცვას  ადამიანის  ჯანმრთელობისთვის, როგორ შეიძლება ავიცილოთ  თავიდან გარემოს დაბინძურება.

·         მოსწავლემ შეძლოს  ძირითადი  პრობლემების  გადასაჭრელად თანამშრომლობა თანატოლებთან  და უფროსებთან.

·         გააცნობიერონ  მოსალოდნელი საფრთხე გარემოს  დაბინძურების დროს და გამოუმუშავდეთ  მზრუნველი დამოკიდებულება  ბუნებისადმი.

სტანდარტები

ბუნ. 1.1 მოსწავლემ უნდა შეძლოს პრაქტიკულად  აქტივობებში მონაწილეობა  და ელემენტარული კვლევითი უნარ-ჩვევების  დემონსტრირება.

1.5 მოსწავლემ უნდა შეძლოს ლოკალური გარემოს აღწერა და მასში  ორიენტირება.

მოსალოდნელი შედეგები:

·         მოსწავლეებს განუვითარდეთ  გარემოზე ზრუნვის უნარ-ჩვევების.

·         მოსწავლე გამოიყენებს  კომუნიკაციის სხვადასხვა ფორმას საკუთარი მოსაზრების შედეგების  წარსადგენად.

პროექტის მსვლელობა

შეხვედრა  I

მოსწავლეებს განვუმარტე პროექტის მიზანი. გავაცანი ის წესები, თუ როგორ  უნდა  წარიმართოს  პროექტი.

ჩავატარე მინი-ლექცია ბუნების დაცვაზე, ვესაუბრე, თუ რა სავალალო შედეგი შეიძლება მოჰყვეს ბუნების დაბინძურებას.

შეხვედრა  I I

ექსკურსია სკოლის გამწვანებულ ეზოში და მცირე დისკუსია კითხვებზე:

·         არის თუ არა გარემოს  დანაგვიანება საყოველთაო პრობლემა?

·         პირადად  შენ რა შეგიძლია გააკეთო ამის თავიდან  ასაცილებლად ?

·         როგორ გგონია, არის თუ არა გარემოს დაცვა შენი ვალი?

ლექსის წაკითხვა ბუნების წიაღში

კითხვა-პასუხი  ლექსის გარშემო.

შეხვედრა  I I I

ორი განსხვავებული ვიდეორგოლის ჩვენება. ერთში როგორ ზრუნავენ ბუნებაზე მეორეში როგორ ანაგვიანებენ, ჩეხენ და ანადგურებენ მას. მივედით იმ დასკვნამდე რომ ადამიანები რომლებიც ბუნებას  ანადგურებენ ათასობით ხეს ჩეხენ, შეიძლება ჩაითვალონ  უგულისყურო , ულმობელ ადამიანებად. მოსწავლეებს განვუმარტე, რომ ბუნების  დაცვის ერთ-ერთ-ერთი  ხერხია  გარემოს  დასუფთავება, მწვანე ნარგავების დარგვა, ადამიანებისთვის  ინფორმაციის მიწოდება, გამაფრთხილებელი პლაკატების შექმნით და თვალსაჩინო ადგილებში გამოფენით.

IV შეხვედრა

·         მოსწავლეებმა ჰიგიენური ხელთათმანების და პოლიეთილენის პარკების გამოყენებით დასუფთავდეს სკოლის ეზოს  მიმდებარე ტერიტორია.

·         მიზნად დაისახეს, რომ მომავალში თითო ნერგს დარგავდნენ სკოლის ეზოში.

·         საკლასო ოთახში დაამზადეს გამაფრთხილებელი პლაკატი : „მე ვუფრთხილდები ბუნებას, შენ!? და თვალსაჩინო ადგილას გამოფინეს.

რეფლექსია

პროექტი, როგროც მზადების პერიოდში, ასევე შემდგომ წარიმართა ძალიან საინტერესოდ, რადგან ყოველი დღე იყო ბავშვებისათვის სახალისო, შესაბამისად მოსწავლეებიც იყვნენ აქტიურები. მათ მიიღეს საჭირო ცოდნა, ისწავლეს პრობლემის გადაჭრის, მოგვარების გზები.

ამ პროექტის შემდეგ ბავშვებს აღარ გაუჭირდებათ უპასუხონ კითხვებზე, რა მნიშვნელობა აქვს ბუნებას ადამიანისთვის, როგორ ზიანს აყენებს ადამიანი დედამიწას, რისი გაკეთება შეუძლიათ მათ ამ პრობლემის გადასაჭრელად  და როგორ უნდა მოიქცნენ შესაბამის შემთხვევაში.

პროექტზე მუშაობა მიმდინარეობდა კეთილგანწყობილ სამუშაო გარემოში თანამშრომლობის გზით.

მე, როგორც მასწავლებელი ძალიან მომეწონა მოსწავლეთა აქტიურობა ჩართულობა პროექტის მსვლელობისას.

სოციალური პროექტი

1.    პროექტის სახელწოდება „ დავიცვათ უპატრონოდ  მიტოვებული შინაური  ცხოველები “

პროექტი ს მონაწილეები: IV კლასის მოსწავლეები, კლასის ხელმძღვანელი, მშობლები.

პრობლემის ანალიზი:

1.      ყოველდღიურად ძალიან ბევრ შინაურ ცხოველს ვხვდებით ქუჩებში  უპატრონოდ   მიტოვებულს.

2.      ეს გამოწვეულია დაბალო მოქალაქეობრივი ცნობიერებით და უპასუხისმგებლობით აღნიშნულ საკითხთან დაკავშირებით.

3.      ასეთი გულგრილი დამოკიდებულება ცხოველებისადმი იწვევს პრობლემებს, ხელს უწყობს სხვადასხვა დაავადების გავრცელებას.

4.      პროექტის მიმდინარეობისას მოსწავლეები ისწავლიან, როგორ იზრუნონ უპატრონოდ მიტოვებულ ცხოველებზე.

პროექტის მიზანი: 1. შინაური ცხოველების შესახებ ლიტერატურის  მოძიება მიწოდება

ფლაიერის სახით  მოსახლეობისათვის.  არსებული მდგომარეობის შესწავლა. ცოდნის პასუხისმგებლობის გრძნობის, სამოქალაქო ცნობიერების ამაღლება მოსწავლეებში და თემში.

                    2.მიღებული ცოდნის პრაქტიკაში გამოყენება.

მისაღწევი შედეგები: იზრუნონ შინაურ ცხოველებზე. გამოხატონ  სიბრალულის გრძნობა მათ მიმართ, სხვებსაც მოუწოდონ იგივე ქმედებისაკენ.

პროექტზე მუშაობის ვადები :

სამიზნე ჯგუფი: IV  ლასის მოსწავლეები, სკოლა, მშობლები, თემი.

ამოცანების განხორციელების საჭირო საქმიანობები :

1.      საინიციატივო ჯგუფის შექმნა , ჯგუფი კომპლექტდება IV კლასის მოსწავლეებისაგან.

2.      სამოქმედო გეგმის შემუშავება. ფუნქციების განაწილება.

3.      პროექტის გრძელვადიანი და მოკლევადიანი შედეგები.

4.      პროექტის მონიტორინგი და შეფასება.

5.      პროექტის განხორციელების რისკები და საფრთხეები.

6.      პროექტის  რეფლექსია.

სამოქმედო გეგმა.

1.      აიტი მენეჯერის დახმარებით ლიტერატურის, ინტერნეტ მასალის მოძიება.

2.      მშობლებთან ერთად ფილმების ჩვენება და განხილვა „ როგორ ზრუნავენ შინაურ ცხოველებზე “. „ რა  საშიშროებას შეიძლება წარმოადგენდეს მაწანწალა ცხოველები.

3.      პროექტის ამსახველი მასალების სკოლის ვებგვერდზე  განთავსება.

4.      პროექტის შედეგების განხილვა მოსწავლეებთან და მშობლებთან ერთად.

პროექტის მიმდინარეობა	მონიტორინგის ინდიკატორი	თარიღი
1.      საინიციატივო ჯგუფის  შექმნა	შეიქმნა ჯგუფი	27.IX
2.      აიტის დახმარებით ლიტერატურის და  ფილმის მოძიება.	მოიძიეს ლიტერატურა, „ როგორ ზრუნავენ შინაურ ცხოველებზე “, რა საშიშროებას შეიძლება წარმოადგენდეს მაწანწალა ცხოველები და რა დაავადების გადამტანად შეიძლება იქცნენ?	30. IX
3.      ლიტერატურის განხილვა და ფილმის ჩვენება.	მოსწავლეებმა და მშობლებმა ერთად უყურეს დოკუმენტურ ფილმს მაწანწალა ცხოველებზე და ისაუბრეს პრობლემებზე სოფელში და მისი მოგვარების გზებზე.	2 .X
4.      ფლაერების დამზადება	ფლაერები დაამზადეს  მოსწავლეებმა და მშობლებმა.	4 .X
5.      პროექტის ამსახველი ფოტოსურათების ატვირთვა.	აიტი მენეჯერის დახმარებით სკოლის ვებ-გვერდზე ატვირთული იქნა ფოტომასალა  მაწანწალა შინაურ ცხოველებზე.	7 .X
6.      პროექტის შედეგების განხილვა სამომავლო გეგმის დასახვა.	მშობლებმა და მოსწავლეებმა გამოთქვეს სურვილი მეტი ყურადღება მიექცეს შინაურ ცხოველებს. ამ საქმეში ჩაერთნენ უფრო მეტად თემის წარმომადგენლები.	10 .X

რეფლექსია

პროექტის  მიმდინარეობისას მოსწავლეები იყვნენ აქტიურები, მოიძიეს  ინფორმაცია(წიგნებიდან, ელექტრონულად). მათ მიიღეს საჭირო ცოდნა, ისწავლეს პრობლემის გადაჭრის მოგვარების გზები.

მოსწავლეებს გამოუმუშავდათ  ცხოველებისადმი სიბრალულის, ზრუნვის გრძნობა და იგრძნეს, რომ თითოეულ ადამიანს შესწევს უნარი, რომ თავიანთი წვლილი შეიტანონ უპატრონოდ მიტოვებული ცხოველებისათვის საარსებო გარემოს შექმნაში.

აქიდან გამომდინარე მშობლებმა, მოსწავლეებმა, სოფლის წარმომადგენლებმა გადაწყვიტეს ერთად ითანამშრომლონ ამ პრობლემების მოგვარებაზე.